終於回家

悠長假期終於完結﹐回家了 :)

隨便記一下這個假日發生過的事﹕

台灣﹕Cheap Cheap 旅行團大鬧台北&基隆……吃喝玩樂6人行﹐齊齊食遍台北﹐食完講﹐講完食﹐或邊食邊講﹐嘴巴冇停過﹐好得人驚呀……這次終於見到人地竹媽了﹐搞喊咗人﹐真係衰

香港﹕看concert的感覺真係好﹐high爆……東亞華星show、澳門回歸show、勁歌金曲、簽唱會……咁短時間內看咁多個live show真係大飽眼耳福……Sammi、安仔、HOCC、千嬅、克勤、祖兒、JJ、Janice、重有黃生﹐好多好鍾意嘅歌手一次過睇晒﹐真係好……重有﹐食海鮮﹐西貢同南丫島都好有風味﹐yummy! ……再來是尋找凌B的足跡﹐那個餐廳、那個風車、那家豆腐花……沒有落雨﹐但有人趕尾班船﹐哈哈﹐只可惜找不到那個亭

韓國﹕我終於學識snowboard啦﹗等有機會再同班friend “片”過…… 韓國牛肉原來咁鬼貴﹐回紐約一於食多d牛肉燒烤﹐豪下先

上海﹕失望啊……到處基建﹐大煞風景……唯獨阿大小籠包值得回味

杭州﹕西湖實在美到不能再美﹐要是能穿上古裝撐下船就perfect……痴痴地……見到徒弟同徒孫﹐可惜相逢恨晚﹐晚到夠鐘趕火車

大馬﹕全程跟蹤黃生﹐攰死咗……(對﹗我犯賤﹐被磨折也像蜜甜﹐別救我我自願並無怨言) …… 與朋友相約每年見一次﹐齊齊撐個死仔包﹐這次從吉隆坡撐到怡保撐到檳城﹐非常緊湊充實的行程…… 看黃生表演咁多次依然能帶給我驚喜﹐幾次笑到肚痛﹐如果當日你唔拍劇Amigo都冇得勞嚕…… 可惜你台下太冷淡了﹐但係做到咁攰又唔怪得你嘅…… 最難忘是跟某大人物把酒長談﹐原來可以比跟黃生見面開心咁多﹐意想不到的一晚﹐high到現在還high high地…… 2009第一眼見到的是黃生﹐第一位擁抱我的男士是黃生……波士高哥哥讓我覺得自己好細路女﹐好幸福啊 *摸摸*

北京﹕做了好漢子﹐遊長城……然後﹐目擊一場大龍鳳玉器騙案﹐環境打壓我的正義感﹐鄙視自己﹐帶住對祖國的失望回家。

This entry was posted on Monday, January 5th, 2009 at 10:59 am and is filed under Random Thoughts. You can follow any responses to this entry through the RSS 2.0 feed.