Toronto

這次在多倫多﹐我好大膽住o係黃生同一層﹐不過我冇打聽佢住邊間房﹐因為覺得冇必要﹐佢應該有點私人空間﹐追星開心就得啦﹐保持應有的距離﹐佢同我都會舒服d。

呢間房其實一d都唔貴…比起好多地方算抵…你睇幾大間啊




每晚/每朝照鏡﹐我都會想像黃生可能做緊同一樣野
呢個梳妝台真係好o岩佢﹐會唔會因為每日照得開心所以心情甘靚呢﹖

由機場見到佢﹐到記者會佢出場﹐我都沒有甚麼感覺﹐
看見加拿大的fans緊張個樣其實都幾得意﹐記得我第一次見佢都好緊張。

記者會後佢見到我個反應…哈哈…同上次差唔多
佢認得出我我真係好開心﹐不過下次唔駛甘大動作

佢每次都會問我影唔影相﹐基本上邊個未影佢都問下﹐唔係只問我
我多數拒絕﹐不過又唔係次次say no播﹐有時想有時唔想﹐搞到佢唔知我想點
唔知點解我唔係甘鍾意同佢影相﹐但我好鍾意好鍾意影佢

呢日同佢傾偈最過癮﹐開籠雀甘﹐我特登唔拍video﹐希望佢同大家都傾得自然d﹐有部機對住唔多唔少都會有避忌﹐結果大家吹水吹左15分鐘﹐期間我d怪行為又黎﹐離開他遠遠影佢﹐直到佢出左門口先再走埋去同佢講遲d見。

佢走左之後多倫多幾個女仔想去贊助商的餐廳再撞佢﹐我同KK都冇興趣﹐要講剛才十五分鐘真係好夠 (其實我以為有半個鍾﹐後來看相片第一張同最後一張時間差距才知原來得15分鐘)﹐於是我同KK決定走一轉去Niagara Falls。

加拿大當我們自己人…哈哈
呢張野兜左幾個圈先影到﹐做遊客真係無聊喇

Niagara Falls 夜晚真係好靚﹐不過凍到飛起