意外、驚喜、期待、準備

意外…黃生來北美﹐雖然佢舊年講過出年(即是今年)會再來﹐
冇諗到佢真係o甘會返o黎﹐話o甘快就一年
我話過黃生來到點都會撐場﹐好彩佢感恩節來﹐
我又o甘o岩有4日long weekend﹐所以可以去見佢
只不過﹐要坐飛機去多倫多﹐有點奢侈﹐但冇所謂﹐
我只在乎開心﹐錢賺得返﹐歡樂時光追唔返

驚喜…黃生居然在官網論壇留言同回帖﹐真係好大個驚喜
小P同我講話黃生出現﹐我開頭重懶得理﹐佢出現官網已經見慣﹐
不過今次真係發帖播﹐恭喜電腦白痴成功發帖﹐終於明白互聯網偉大的意義
黃生如果想官網好﹐早該o甘做啦﹐你話會多d留言﹐希望你真係keep到呢個promise
你唔來LB唔緊要﹐肯上網接觸下其他地區的fans就得架啦﹐邊個論壇都一樣
哈哈﹐就算你想﹐都唔能夠用 “Bosco” 在LB發言啦﹐你個號我都神早刪鬼o左嚕

期待…12月又再悠長假期﹐雖然去的地方冇乜新鮮感﹐不過都好期待
期待同班衰女包遊台灣﹐再去逛夜市﹐掃街﹐飲飲食食﹐玩餐飽
期待韓國snowboard﹐雖然我唔識﹐雖然我體力有限﹐雖然會跌到好痛﹐
不過在雪地上跌跌撞撞會令我變反個細路女﹐同埋﹐點跌都冇人淤你﹐幾好啊
期待群星演唱會﹐好多歌星啊﹐又有08樂壇新人「黃」﹐重要係佢生日正日添﹐
又會同好多朋友一齊去睇﹐多重意義的演唱會﹐將會係我o係香港睇o既第一個演唱會

準備…面對艱巨的11月﹐面對不眠不休的工作量﹐
因為一切都必需這個月完成﹐在我放假前完成