我偶像的粉絲

我搞唔清楚我係咩心態去support佢（哋），但又可以support咁多年。

以前迷黎明，我真係傻到覺得佢會係我真命天子架 — 你話我當時幾細路女呢﹖不過以fans來講，真係唔合格咯，最多係買晒佢嘅CD同每逢佢來美國登台都去睇，不過就連fanclub都冇入(入唔到)，合照都冇張(唔鍾意影相)，新聞睇都唔睇下(以前唔識字)。其實到今時今日我都重好鍾意LEON，明年應該啱啱夠20年 （係好細個好細個開始，ok？）。

我信我可以鍾意黃生更耐，只係迷佢嘅程度時多時少。

最近黃生好似人間蒸發咗，有d唔習慣，但暫時未有特別miss佢嘅感覺。

有時黃生暴光律好高的時候，一方面我會替他高興，但另一方面我會慢慢開始覺得疲勞。當有太多嘢要同時消化，我會開始冇時間好好欣賞佢d戲，因為其實最終，我係個睇戲嘅人。又或者，根本就係我性格問題，樣樣都唔鍾意多，一多就自然抗拒，就好似我每次見完佢真人都會忽略佢幾個星期，過一過冷河。

呢幾年覺得個衰仔越來越好樣，不過我就係HC唔到去邊，更加YY唔到咩程度，好怪。有時就算同其他fans吹水，都只係順住個勢插幾句玩下，都唔係真係HC得好興奮嗰種，反而窒佢會重興奮。或者一開始我就唔係鍾意佢個樣，到宜架都重會挂住以前傻傻哋嘅佢，一個冇機心冇煩惱，說話唔會過濾，做嘢未必三思嘅死仔包… 離唔開佢係因爲我唔捨得嗰個帶我走出自閉歲月嘅死仔包，只要黃生耐不耐露出以前嘅死仔包樣，我呢條粉絲都走唔甩。

But好有趣，有人覺得我係YY天才，噢，我完全唔覺得我對COKE嗰d屬於YY，因爲佢哋根本就表現得咁close，令我興奮嘅唔係一d超出框框嘅遐想，係見到兩個自己好鍾意嘅artist變得咁close，咁好朋友，因爲我唔係愛屋及烏，係喺不同時候不同原因喜歡上兩個不同性格的人，而他們發展出的友情帶給我好多驚喜。至於BL MV其實只得幾個，都冇我total作品的10%，and都只不過係挑戰自己創作力，覺得做主流MV再難在内容上有突破。

厄，未睇《亮相》，不過唔急，等出嗮街先。